Čyrlidarki CHK «Mahiloŭ» pieraapranulisia ŭ spartyŭnyja trusy z kicielami roznych słužbaŭ
Ci čakać pakajannaje videa?
22.09.2024 / 14:13
U sacsietkach CHK «Mahiloŭ» źjaviłasia videa z udzielnicami hrupy padtrymki Ice cream. U roliku dziaŭčyny nakinuli na siabie kicieli roznych viedamstvaŭ, u tym liku, MUS, MNS, vajskoŭcaŭ, zaŭvažyła «Trybuna».
«Atrymlivajem asałodu ad kłasnych vobrazaŭ našych Ice cream», — napisała pres-słužba kłuba ŭ sacsietkach.
Prablema ŭ tym, što ŭ Biełarusi za takuju žartaŭlivuju prymierku formy možna trapić pad artykuł. Tak, u minułym vieraśni ŭ Minsku zatrymali 21-hadovaha ślesara, jaki nadzieŭ milicejskuju formu dla rolika ŭ tyktoku. Jamu inkryminavali artykuł 24.28 KaAP — «niezakonny vyrab, realizacyja i našeńnie formiennaj vopratki».
Taki ž vypadak byŭ u Viciebsku, kali małady čałaviek u formie supracoŭnika milicyi zładziŭ viečarynku ź siabrami.
Zhodna z artykułam 24.28 KaAP, štraf moža skłaści da 30 bazavych vieličyń.