U Viciebsku za «sadziejničańnie ekstremizmu» buduć sudzić žančynu ź pieršaj hrupaj invalidnaści
Padčas mirnych šeściaŭ u Viciebsku jana pieramiaščałasia na invalidnym vazku, bo joj ciažka chadzić.
21.09.2024 / 13:31
9 kastryčnika Viciebski abłasny sud pačnie razhlad kryminalnaj spravy ŭ dačynieńni da Valanciny Kryštopienki. Žančynie inkryminavana č. 1 art. 361-4 KK (sadziejničańnie ekstremisckaj dziejnaści). Spravu pryznačana razhladać Halina Bondał, piša «Viasna».
Valancina maje invalidnaść I hrupy, žyvie ź piensii. Paśla vybaraŭ jaje nieadnarazova štrafavali pa palityčnych administracyjnych artykułach. Tak, u 2021 hodzie žančynu aštrafavali na 1160 rubloŭ za fotazdymak z cytataj ź Biblii «Kali ŭładaryć biazbožnik — narod stohnie». Heta paličyli «niesankcyjanavanym pikietavańniem».
Padčas mirnych šeściaŭ u Viciebsku Valancina pieramiaščałasia na invalidnym vazku, bo joj ciažka chadzić.