Biełaruskich školnikaŭ buduć adukoŭvać nakont vybaraŭ
Centralnaja vybarčaja kamisija sumiesna ź Ministerstvam adukacyi padrychtavała adpaviedny mietadyčny dapamožnik, piša Smartpress.by.
21.09.2024 / 10:54
Pa słovach staršyni CVK Ihara Karpienki, užo vydadziena sieryja knih i brašur, pryśviečanych vybaram.
U razmovie z žurnalistami ŭ piatnicu Karpienka, adznačyŭ: dla taho, kab «pavysić davier vybarščykaŭ da vybarčaj sistemy, umacavać hety davier, treba pracavać z moładździu».
«Navučajučysia ŭ škole, u 13-14 hadoŭ mnohija z padletkaŭ tołkam nie viedajuć, što takoje vybary i dla čaho jany pravodziacca. U suviazi z hetym my sumiesna ź Ministerstvam adukacyi zapuskajem novy prajekt litaralna z vosieni hetaha hoda va ŭsich škołach krainy», — skazaŭ jon.
Heta infarmacyjny prajekt pa aśviecie školnikaŭ. «Kali jany buduć upieršyniu hałasavać, jany pavinny śviadoma pajści na vybarčyja ŭčastki, razumiejučy, što heta za praces. Voś taki doŭhaterminovy prajekt my zapuskajem. I jon vyklikaŭ peŭnuju cikavaść u našych kaleh z krain SND», — dadaŭ kiraŭnik CVK.