Va Ukrainie vajskoŭcam i čynoŭnikam zabaranili karystacca Telegram na pracy
Praŭda, jość i vyklučeńni.
20.09.2024 / 13:10
Nacyjanalny kaardynacyjny centr kibierbiaśpieki Ukrainy pry RNBA zabaraniŭ čynoŭnikam i vajskoŭcam vykarystoŭvać Telegram na pracoŭnych pryładach, paviedamlaje pres-słužba viedamstva ŭ Facebook.
«Była pryniataja pastanova ab zabaronie ŭstanoŭki i vykarystańnia Telegram na słužbovych pryładach rabotnikaŭ orhanaŭ dziaržaŭnaj ułady, vajskoŭcaŭ, rabotnikaŭ siektara biaśpieki i abarony, a taksama pradpryjemstvaŭ — apierataraŭ krytyčnaj infrastruktury», — havorycca ŭ paviedamleńni.
Razam z tym jość vyklučeńni — «dla asob, dla jakich vykarystańnie hetaha miesiendžara źjaŭlajecca častkaj słužbovych abaviazkaŭ».
Kiryła Budanaŭ: Telegram niasie realnuju pahrozu nacyjanalnaj biaśpiecy Ukrainy