Na jakich mastakoŭ «Vosieńskaha sałona 2024» źviarnuć uvahu
Mastactvaznaŭca Mikita Monič praciahvaje znajomić z sučasnym mastactvam Biełarusi.
20.09.2024 / 10:06
Mikita Monič. Skryn videa: okolocultury / YouTube
Z 6 vieraśnia pa 13 kastryčnika ŭ Pałacy mastactvaŭ prachodzić čarhovy «Vosieński sałon» — adna z samych maštabnych vystavaŭ-prodažaŭ sučasnaha mastactva ŭ Biełarusi. Na im vystaŭlenyja bolš za 400 tvoraŭ 200 aŭtaraŭ.
Šmatlikija tvorcy stracili mahčymaść vystaŭlacca pa palityčnych pryčynach. Voś na kaho raić źviarnuć uvahu Monič u novym vypusku svajho jutub-kanała «Kala kultury» z tych, kamu vystaŭlacca dazvolena.
Lizavieta Pastušenka
Lizavieta Pastušenka — heta spraktykavanaja mastačka, jakaja pracuje vykładčycaj malunka, ilustrataram, mastakom-pastanoŭščykam.
Lizavieta Pastušenka. Supraćstajańnie. Krynica: artcenter.by
Pa słovach Moniča. jaje pracy časta vyłučajucca simvaličnaściu i elemientami siurrealizmu: «Lizavieta ŭražvaje maštabam svaich prac, nie curajecca peŭnaha siurrealizmu. Niekatoryja jaje tvory nahadvajuć majho ŭlubionaha Paŭła Tatarnikava».
Nastasiaja Šviedava
Pa słovach Moniča, Nastaśsia Šviedava znachodzicca ŭ pošuku svajoj mastackaj movy, stvarajučy tvory, napoŭnienyja mifałahičnymi i fentezijnymi elemientami. Viadučy zachaplajecca jaje padychodam: «Kali hladžu na roznyja štuki, što jana robić, to nibyta baču adnu i tuju ž intanacyju».
Nastaśsia Šviedava. Ekśpierymientalny rybtyłoid. Krynica: artcenter.by
Asabliva mocna jaho ŭraziŭ kałaž «Ekśpierymientalny rybtyłoid», jaki jon apisvaje jak pracu, što miašaje fantazijnyja vobrazy z realnym śvietam.
Alaksiej Žukaŭ
Alaksiej Žukaŭ — architektar pa prafiesii, ale lubić malavać, u asnoŭnym realistyčnyja architekturnyja kampazicyi. Jaho pracy vyłučajucca detalizacyjaj i padrabiaznym adlustravańniem kłasičnych architekturnych elemientaŭ.
Alaksiej Žukaŭ. Minułaje ŭ sučasnym. Krynica: artcenter.by
Monič źviartaje ŭvahu na karcinu «Minułaje ŭ sučasnym», na jakoj pryhožyja pilastry kłasičnaj architektury kantrastujuć sa sparachniełym stanam budynka.
Maryja Kručkova
Maryja Kručkova — roznabakovaja mastačka, viadomaja svajoj majsterskaj pracaj z koleram i mazaikaj. Jaje tvory ŭražvajuć svajoj nasyčanaściu i harmonijaj koleraŭ. Monič adznačaje: «Hetyja kolery navat praz ekran majho kampjutara vyhladajuć vielmi pierakanaŭča i pryhoža».
Asabliva jaho ŭraziŭ jaje tvor «Pad pokryvam», jaki jon apisvaje jak «vialiki i detalizavany».
Illa Hičan
Monič zaŭvažaje, što Illa Hičan viadomy svajoj pracaj u halinie žyvapisu i skulptury, jaho tvory vyłučajucca hłybokaj psichałahičnaj asnovaj i tonkaj pracaj z vobrazami.
Illa Hičan. Crow. Krynica: artcenter.by
Monič asabliva vyłučaje pracu «Crow» (Krumkač) 2023 hoda, padkreślivajučy jaje psichałahičnuju hłybiniu: «Pa svajoj psichałahičnaj hruntoŭnaści nie sastupaje hierojam knih Śviena Nurkvista».
Piejzažy Hičana taksama ŭrazili Mikitu Moniča: «U jahonych tvorach ja baču toje, što lublu ŭ pracach Kurbe, Dabińji i Levitana».
Illa Hičan. «Viasna». Krynica: artcenter.by
Hetyja mastaki, kožny sa svaim unikalnym padychodam, adlustroŭvajuć raznastajnaść i bahatuju spadčynu sučasnaha biełaruskaha mastactva. Kožny ź ich unosić niešta novaje i samabytnaje, i ich tvory zasłuhoŭvajuć uvahi.
U Minsku adkryŭsia «Vosieński sałon» FOTY
Pryznali «ekstremisckim» jutub-kanał Mikity Moniča
Kaho pryznali najlepšymi skulptarami Biełarusi 2024 hoda? Voś jak vyhladajuć ich tvory
«Praduktovy hipierrealizm — toje, za što hałasuje bolšaść». Monič pra mastackija husty ŭ hramadstvie