«Minski kirmaš» adkryjecca ŭ vychodnyja: što tam možna budzie kupić?
Svaje tavary pradstaviać vytvorcy z roznych rehijonaŭ krainy.
19.09.2024 / 14:55
Najbujniejšy sielskahaspadarčy kirmaš «Minski kirmaš», prymierkavany da adkryćcia kirmašovaha siezona ŭ stalicy, razhorniecca na placoŭcy kala Pałaca sportu 21 i 22 vieraśnia, piša Blizko.by.
Svaje tavary tut pradstaviać vytvorcy z roznych rehijonaŭ krainy. U prodažy možna budzie znajści miasnuju, małočnuju, płodaaharodninnuju, rybnuju pradukcyju, bakaleju, kandytarskija vyraby, saleńni, miod i mnohaje inšaje.
«Minski kirmaš» budzie pracavać z 11:00 da 19:00, a na ŭračystym adkryćci haściej čakaje kancertnaja prahrama. Darečy, na hetaj placoŭcy 12—13 kastryčnika i 2—3 listapada taksama zapłanavany kirmašy.
Akramia taho, u vychodnyja taki handal znoŭ razhorniecca na parkoŭcy la «Čyžoŭki-Areny». Miescy dla prodažu sielhaspradukcyi taksama vyznačany va ŭsich rajonach horada.