Ciłaviki zatrymali ŭ Maskvie Uładzisłava Bakalčuka
Saŭładalnika Wildberries zatrymali paśla ŭčorašniaj pierastrełki. Śledčy kamitet Rasii zavioŭ spravu pavodle piaci artykułaŭ.
19.09.2024 / 14:13
Siłaviki zatrymali muža Taćciany Bakalčuk i ŭładalnika 1% Wildberries Uładzisłava Bakalčuka, paviedamiła RBK krynica. Pradstaŭnik biznesoŭca paćvierdziŭ jahonaje zatrymańnie.
Abarona Bakalčuka nazvała zatrymańnie «biesprecedentnym parušeńniem pravoŭ padabaronnaha», a abvinavačvańni ŭ zabojstvie «absurdnymi».
Zatrymańnie Bakalčuka adbyłosia paśla pierastrełki ŭ sieradu, 18 vieraśnia, kala adnaho z ofisaŭ kampanii ŭ centry Maskvy.
Uładzisłaŭ Bakalčuk zajaviŭ, što źbiraŭsia pravieści pieramovy z kiraŭnictvam RVB — abjadnanaj kampanii markietplejsa i apieratara vonkavaj rekłamy Russ. Taćciana Bakalčuk i sama arhanizacyja heta abvierhli, zajaviŭšy, što «nijakich sustreč z Uładzisłavam zapłanavana nie było».