Źjavilisia spadarožnikavyja FOTY nastupstvaŭ ukrainskaha ŭdaru pa składzie bojeprypasaŭ u Taropcy
Amierykanskaja kampanija Maxar, jakaja zajmajecca spadarožnikavymi zdymkami Ziamli, apublikavała fatahrafii składa bojeprypasaŭ u horadzie Taropiec Ćviarskoj vobłaści da i paśla nalotu ŭkrainskich dronaŭ. Na zdymkach vidać stan abjekta da ŭdaru, a taksama nastupstvy, uklučajučy padniatyja słupy dymu, što śviedčyć pra paškodžańni paśla ataki.
18.09.2024 / 20:07
Fota składoŭ u Taropcy paśla ŭkrainskaj ataki
Foty da ŭdaru byli zroblenyja 7 vieraśnia. Na zdymkach paśla ŭdaru vidać, jak nad składami padymajucca słupy dymu.
Fota składoŭ u Taropcy paśla ŭkrainskaj ataki
Servis NASA FIRMS, jaki ahrehuje spadarožnikavyja danyja pra pažary, taksama pakazaŭ vialiki ŭčastak pažaru na ŭschod ad Taropca, kala vioski Kudzina i voziera Kudzinskaha.
Rasśledavalnicki prajekt «Schiemy» («Radyjo Svaboda») piša, što kožnaje ź niekalkich dziasiatkaŭ schoviščaŭ arsienała źmiaščaje da 240 ton bojeprypasaŭ.
Fota składoŭ u Taropcy da ŭkrainskaj ataki
Ministerstva abarony Rasii śćviardžała, što skład paśla rekanstrukcyi ŭ 2018 hodzie byŭ abaronieny navat ad «paražalnych faktaraŭ jadziernaha vybuchu».
Fota składoŭ u Taropcy da ŭkrainskaj ataki
Skład u Toropcy byŭ atakavany ŭ noč na 18 vieraśnia z dapamohaj bieśpiłotnikaŭ. U vyniku pačaŭsia pažar, a bojeprypasy pačali vybuchać. U horadzie była abvieščanaja evakuacyja. Pavodle danych rasijskaha Ministerstva achovy zdaroŭja, paciarpieli 13 čałaviek.
U Ćviarskoj vobłaści paśla ataki bieśpiłotnikaŭ pačaŭsia mocny pažar, idzie evakuacyja
HUR Ukrainy atakavała rasijskuju bazu bieśpiłotnikaŭ u Siryi
Ukrainskija zienitnyja drony stali tannaj i efiektyŭnaj zamienaj artyleryi. U čym ich pieravahi?
Ukraina vykarystoŭvaje hulniavuju prystaŭku dla vajennych metaŭ