Jabłyčnaje z čabarom, ślivavaje… Čatyry recepty vareńnia, staryja i novyja
Chatniaje ślivavaje vareńnie, a moža, z abrykosaŭ z čabarom? Heta robicca prosta.
22.09.2024 / 11:25
Fota: RitaE / Pixabay
Takoje vareńnie možna źjeści z łustačkaj śviežaha chleba ci chrabustkim bahietam, a taksama dadavać u desierty. Va ŭsich varyjantach jano maje vydatny smak i vyklikaje lohkuju nastalhiju pa lecie.
Tradycyjnaje ślivavaje vareńnie
- Śliva vienhierka (vielmi sałodkaja, saśpiełaja) — 2,5 kh
- Sol — 1 stałovaja łyžka
- Razrežcie ślivy napałovu i vydalicie kostki. Pakładzicie sadavinu ŭ vialikuju kastrulu z toŭstym dnom i pasalicie.
- Nahrejcie na siarednim ahni. Kali ślivy zakipiać, pamienšycie ahoń i pavolna varycie ich na praciahu troch dzion — pa niekalki hadzin štodnia. Vielmi časta pamiešvajcie. Vareńnie pavinna atrymacca vielmi hustym, ciomna-fijaletavaha koleru.
Abrykosavaje vareńnie z čabarom
- abrykosy (miakkija i saśpiełyja) — 1 1/2 kh
- cukar — 250 h
- liście čabaru — 2 stałovyja łyžki
- Abrykosy vymyjcie, vydalicie kostki i razrežcie na čvertački.
- Źmiaścicie ŭ vialikuju kastrulu, nakryjcie i varycie na słabym ahni 3-4 hadziny (čas ad času pamiešvajcie). Dadajcie cukar i 1 stałovuju łyžku liścia čabaru.
- Varycie pad viečkam jašče kala dziasiatka hadzin — raściahnicie hety praces na dva-try dni. Kali źmieściva rondala budzie nahadvać kansistencyju vareńnia, varycie jašče 1-2 hadziny; vielmi časta pamiešvajcie.
- Źniaŭšy z ahniu, dadajcie čabor, jaki zastaŭsia, i staranna raźmiašajcie.
Fota: jarmoluk / Pixabay
Hrušavaje vareńnie z karyčnievym masłam
- hrušy (pieravažna sałodka-sałodkija) — 1 1/2 kh
- struk vanili — 1 št.
- masła — 100 h
- sol — ščopać
- Hrušy vymyjcie (nie abirajcie), razrežcie napałovu i, vydaliŭšy siemiečki, narežcie nievialikimi kubikami. Razrežcie struk vanili pa ŭsioj daŭžyni.
- Nahrejcie masła ŭ kastruli z toŭstym dnom na słabym ahni. Kali jano pačnie pachnuć arechami i pienaj, praciahvajcie aściarožna nahravać, pakul jano nie stanie karyčnievym. Dadajcie hrušy i struk vanili.
- Varycie nakryŭšy 3—4 hadziny (čas ad času pamiešvajcie). Pieramiašajcie da adnarodnaj masy i varycie jašče niekalki hadzin, pakul bolšaja častka vady nie vyparycca i mus nie pieratvorycca ŭ džem.
Jabłyčnaje vareńnie ŭ karamieli z čabarom
- Jabłyki — 2 kh
- Cukar — ⅔ šklanki
- Vada — 4 stałovyja łyžki
- Čabor — žmieńka
- Brendzi — 1 šklanka
- Abłupicie ćviordyja i kisłyja jabłyki. Niekalki kavałačkaŭ narežcie nievialikimi kubikami — paŭtary šklanki narezanaj takim čynam sadaviny całkam dastatkova. Adkładzicie heta ŭbok. Astatniuju sadavinu narazajem nievialikimi kavałačkami.
- U kastrulu nasypcie cukar i vadu — nahrejcie na siarednim ahni, nie raźmiešvajcie. Daviadzicie da kipieńnia i varycie niekalki chvilin, pakul sirop nie pieratvorycca ŭ załacistuju karamiel.
- Dadajcie ŭ kastrulu z karamiellu ŭsie jabłyki, akramia narezanych kubikami. Dobra pieramiašajcie. Kali sadavina puścić sok, dadajcie žmieńku čabaru. Varycie kala 10 chvilin, pakul jabłyki nie stanuć miakkija. Zatym prybiarycie čabor i ramiašajcie źmieściva da piurepadobnaha stanu z dapamohaj ručnoha blendara. Dadajcie narezanyja jabłyki i brendzi. Varycie jašče čverć hadziny, pieryjadyčna pamiešvajučy. Kali jabłyki stanuć miakkija, źnimicie kastrulu z ahniu i raskładzicie vareńnie pa słoikach.
Vareńnie ź pialostkaŭ ruž — stary biełaruski recept, prosty i pryhožy