Eks-premjer Estonii stanie kiraŭnikom dypłamatyi Jeŭrasajuza
Kaja Kałas z 1 listapada zojmie pasadu viarchoŭnaha pradstaŭnika ES pa zamiežnych spravach i palitycy biaśpieki.
17.09.2024 / 12:01
Ołaf Šolc z zamiłavańniem hladzić na Kaju Kałas. Fota: instahram Kai Kałas
Eks-premjer Estonii Kaja Kałas z 1 listapada zojmie pasadu viarchoŭnaha pradstaŭnika ES pa zamiežnych spravach i palitycy biaśpieki. Pra heta zajaviła staršynia JEK Ursuła fon der Lajen padčas svajho vystupu pierad Jeŭraparłamientam u Strasburhu.
«Kaja Kałas, jak vy ŭžo viedajecie, budzie našym Viarchoŭnym pradstaŭnikom i vice-prezidentam. My znachodzimsia ŭ ery hieapalityčnych supraćstajańniaŭ i niestabilnaści. Naša źniešniaja palityka i palityka biaśpieki pavinna być vyznačana z razumieńniem dadzienaj realnaści», — adznačyła fon der Lajen.