Turysta z Sankt-Pieciarburha znajšli miortvym u voziery ŭ Hłybockim rajonie. Cieła pabačyła žonka
Trahiedyja adbyłasia na terytoryi sanatorna-kurortnaha kompleksu «Plisa».
17.09.2024 / 10:56
Aficyjny pradstaŭnik Viciebskaha abłasnoha ŭpraŭleńnia MNS Sofja Hlinskaja raspaviała Kraj.by:
— 16 vieraśnia a 13:00 pastupiła paviedamleńnie ab tym, što ŭ voziery Plisa patanuŭ čałaviek. Cieła mužčyny vyjaviła jaho žonka za 15 mietraŭ ad bieraha. Rabotniki sanatorna-kurortnaha kompleksu «Plisa» dastali zahinułaha z vady.
Na Hłybockaj vyratavalnaj stancyi paviedamili, što, pavodle papiarednich źviestak, u voziery Plisa zahinuŭ 68-hadovy turyst z Sankt-Pieciarburha, jaki ŭ sanatoryi adpačyvaŭ razam z žonkaj. Pavodle papiaredniaj viersii, u rasiejca padčas kupańnia ŭ voziery stała drenna z sercam.
Pravierku pa fakcie hibieli čałavieka pravodzić Śledčy kamitet. Pryčynu śmierci mužčyna vyśvietlić ekśpiertyza.