U Biełarusi chočuć skaracić normy biaspošlinnaha ŭvozu tavaraŭ samalotam
Normy biaspošlinnaha ŭvozu pa tavarach, što pieramiaščajucca avijatranspartam, mohuć skaracić. Pra heta raspavioŭ u efiry Biełaruś 1 staršynia Dziaržaŭnaha mytnaha kamiteta Uładzimir Arłoŭski.
17.09.2024 / 10:01
Ciapier norma biazmytnaha ŭvozu avijacyjnym transpartam składaje €10 tys., tamu razhladajucca varyjanty skaračeńnia hetaj normy. Ale tut niejkich chutkich rašeńniaŭ niama, idzie abmierkavańnie.
Uładzimir Arłoŭski dadaŭ, što pa naziemnych punktach propusku normy biaspošlinnaha ŭvozu mianiać nie płanujuć.
Staršynia DMK nahadaŭ, što dziejučyja ciapier normy biaspošlinnaha ŭvozu nie novyja, jany ŭžyvalisia i raniej. Ale na fonie sankcyj prymali rašeńnie ab časovym pavieličeńni limitaŭ, bo byli aściarohi, što zdarycca deficyt peŭnych tavaraŭ. Ale, padkreśliŭ Arłoŭski, deficytu nie nazirałasia, u vyniku z krasavika 2024-ha normy biaspošlinnaha ŭvozu viarnuli na raniejšy ŭzrovień.
Tak, dla dastaŭki poštaj abo pieravozčykam normy biaspošlinnaha ŭvozu składajuć €200 i 31 kh, a dla naziemnaha pieramiaščeńnia — €500 i 25 kh. «Pavyšanyja» normy dziejničali z krasavika 2022 hoda — €1 tys. i 31 kh.