Mazyrski NPZ za tydzień lipieńskaha ŭrahanu moh stracić 35 młn dalaraŭ
Na zavodzie padličyli straty ad lipieńskaj niepahadzi, jany akazalisia vialikimi, piša «Fłahštok».
16.09.2024 / 17:24
Fota: «Mozyrskij nieftiepierierabotčik»
Mazyrski NPZ padličyŭ straty, paniesienyja padčas lipieńskaha ŭrahanu ŭ Homielskaj vobłaści.
Pradpryjemstva za tydzień mahło stracić da 35 młn dalaraŭ.
«Raniej za miesiac (da sychodu zavoda ŭ straty ŭ pačatku 2024 hoda — zaŭv.) prybytak MNPZ moh składać 20-30 młn dalaraŭ, a ciapier za tydzień naličyli 35 miljonaŭ dalaraŭ strataŭ», — raskazała infarmavanaja krynica.
U hetuju sumu akramia ramontnych rabot uvajšoŭ i prastoj zavoda.
Mazyrski NPZ niasie vielizarnyja straty z pačatku 2024 hoda. Situacyja pahoršyłasia paśla ŭrahanu, jaki praniośsia nad terytoryjaj Homielskaj vobłaści 14 lipienia 2024 hoda. Zavod zastaŭsia biez elektrazabieśpiačeńnia z-za abvalvańnia linii elektrapieradač. Padklučeńnie da alternatyŭnych krynic enierhii akazałasia niemahčymym z-za adklučeńnia Biełarusi ad enierhasistemy Ukrainy paśla ŭvarvańnia rasijskich vojskaŭ ź biełaruskaj terytoryi.
Paźniej stała viadoma pra źnižeńnie abjomaŭ vytvorčaści z-za błekaŭta, vyklikanaha abryvam linij elektrapieradač. Ciapier ža nastupstvy zmohuć adčuć na sabie i supracoŭniki pradpryjemstva. Kiraŭnictva MNPZ niadaŭna aznajomiła piersanał z zahadam, jaki praduhledžvaje źnižeńnie premii dla rabotnikaŭ roznych cechaŭ pradpryjemstva.
Niadzielnaja bura zdoleła parušyć pracu navat Mazyrskaha NPZ
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna
Biełaruskaja naftapierapracoŭka niasie vializnyja straty