Памёр брат Майкла Джэксана, удзельнік гурта Jackson 5
Ціта Джэксан, удзельнік групы Jackson 5 і брат Майкла Джэксана, памёр ва ўзросце 70 гадоў, паведамляе Associated Press.
16.09.2024 / 10:39
Ціта Джэксан. Фота: Mark Von Holden / Invision / AP
Афіцыйная прычына смерці пакуль не названа.
Ціта Джэксан выступаў у папулярным гурце Jackson 5 з братамі Джэкі, Джэрмэйнам, Марлонам і Майклам, які памёр у 2009 годзе.
The Jackson 5. Фота: AP
Навіну пацвердзілі ў пасце ў інстаграме сыны Ціта: «Мы шакаваныя, засмучаныя і забітыя горам».