Bajden daručyŭ zadziejničać usie resursy dla achovy Trampa
Bajden daručyŭ zadziejničać usie resursy dla achovy Trampa. Pra heta havorycca ŭ zajavie paśla mierkavanaj sproby jašče adnaho zamachu na byłoha prezidenta.
16.09.2024 / 07:53
Fota: Manuel Balce Ceneta / AP
«Padazravany znachodzicca pad vartaj, i ja vysoka aceńvaju pracu Sakretnaj słužby i ich partnioraŭ z pravaachoŭnych orhanaŭ za ich pilnaść i ich namahańni pa zabieśpiačeńni biaśpieki byłoha prezidenta i jaho atačeńnia. Ja rady, što były prezident nie paciarpieŭ. Viadziecca aktyŭnaje rasśledavańnie hetaha incydentu, pakolki pravaachoŭnyja orhany źbirajuć bolš padrabiaznaściaŭ.
Jak ja ŭžo šmat razoŭ kazaŭ, u našaj krainie niama miesca palityčnamu hvałtu abo jakomu-niebudź hvałtu naohuł, i ja daručyŭ svajoj kamandzie praciahvać zabiaśpiečvać Sakretnuju słužbu ŭsimi resursami, mahčymaściami i mierami abarony, nieabchodnymi dla zabieśpiačeńnia dalejšaj biaśpieki byłoha prezidenta», — zajaviŭ Bajden.
Mierkavany zamach na Donalda Trampa adbyŭsia ŭčora ŭ Fłarydzie kala holf-kłuba kandydata ŭ prezidenty. Spačatku paviedamlałasia, što heta była pierastrełka pamiž dvuma čałaviekami, ale potym FBR zajaviła pra zamach i pra toje, što padazravany ŭ zamachu aryštavany.
Kala doma Trampa ŭ Fłarydzie adbyłasia stralanina. Miljarder nie paciarpieŭ
Učorašniuju stralbu ŭ Fłarydzie kvalifikavali jak zamach na Trampa