Kala doma Trampa ŭ Fłarydzie adbyłasia stralanina. Miljarder nie paciarpieŭ
Streły prahučali, kali palityk vychodziŭ sa svajho holf-kłuba, ale jaho nie zakranuli, paviedamlaje New York Post.
15.09.2024 / 22:30
Kandydat u prezidenty ad Respublikanskaj partyi, były prezident Donald Tramp u asiarodździ ahientaŭ Sakretnaj słužby ZŠA, pakidaje scenu pieradvybarčaha mitynhu, 13 lipienia 2024 hoda, Piensilvanija. Fota: AP Photo / Evan Vucci
Pavodle infarmacyi, jakuju vydańnie atrymała ŭ pravaachoŭnych orhanach, na hetuju pierastrełku adreahavała Sakretnaja słužba (arhanizacyja, jakaja zabiaśpiečvaje biaśpieku dziejnych i byłych prezidentaŭ krainy) ZŠA. Pradstaŭnik pieradvybarčaha štaba Trampa Styvien Čunh zajaviŭ, što toj znachodzicca ŭ biaśpiecy.
Jak stała viadoma, padčas pierastrełki dva čałavieki pobač z holf-kubam Trump International Golf Course abmianialisia strełami. Jany celilisia adzin u adnaho, stralanina nie była skiravana ŭ bok Trampa.
13 lipienia hetaha hoda Donald Tramp byŭ paranieny ŭ vyniku zamachu ŭ štacie Piensilvanija — kula adarvała jamu kavałačak vucha. Pry hetym palityk źjaŭlajecca paśladoŭnym prychilnikam druhoj papraŭki da Kanstytucyi ZŠA, jakaja harantuje amierykanskim hramadzianam prava na vałodańnie zbrojaj.
Tramp: Ja NIENAVIDŽU TEJŁAR ŚVIFT!
Tramp admoviŭsia ad druhich debataŭ z Charys