Try žychary Biełarusi dasiahnuli ŭzrostu 110 hadoŭ
Pavodle Ministerstva pracy i sacyjalnaj abarony, u krainie raście kolkaść doŭhažycharoŭ.
15.09.2024 / 12:29
Try žychary Biełarusi dasiahnuli ŭzrostu 110 hadoŭ, raskazaŭ namieśnik načalnika hałoŭnaha ŭpraŭleńnia sacyjalnaha absłuhoŭvańnia i sacyjalnaj dapamohi Ministerstva pracy i sacyjalnaj abarony Mikałaj Aroł, paviedamlaje BiełTA.
Pavodle jaho słoŭ, u krainie raście kolkaść doŭhažycharoŭ. Pa apošnich źviestkach, uzrostu bolš za 100 hadoŭ dasiahnuli zvyš 600 čałaviek. Ciaham apošnich dziesiaci hadoŭ ich kolkaść składała kala 400. U 2023 hodzie było kala 500 doŭhažycharoŭ.
Mikałaj Aroł udakładniŭ, što ź liku ŭsich doŭhažycharoŭ trom žycharam Biełarusi bolš za 110 hadoŭ.
Usie ludzi hetaha dastojnaha ŭzrostu znachodziacca na ŭliku ŭ terytaryjalnych centrach sacyjalnaha absłuhoŭvańnia nasielnictva. Ich vinšujuć z dniom naradžeńnia i inšymi śviatami.
Datyčna hiendernaha składu namieśnik načalnika hałoŭnaha ŭpraŭleńnia dadaŭ, što 66% ludziej starejšych za 65 hadoŭ — žančyny. Heta značyć, na dźviuch žančyn hetaha ŭzrostu prypadaje adzin mužčyna.