U Kapyli mužčyna źniaŭ dziaržściah z budynka, kab zrabić fota. Heta było darma
U vyniku mužčynu znajšli pa śledzie ruki na trubie.
13.09.2024 / 15:56
Fota: Dziaržkamitet sudovych ekśpiertyz
Z budynka Kapylskaha terytaryjalnaha centra sacyjalnaha absłuhoŭvańnia nasielnictva źnik aficyjny ściah. Pradstaŭnik administracyi centra źviarnuŭsia ŭ milicyju.
Na miesca adpravili cełuju śledča-apieratyŭnuju hrupu razam z supracoŭnikami Dziaržkamiteta sudovych ekśpiertyz. Śpiecyjalisty apracavali pavierchni budynka i na trubie znajšli śled ruki.
U vyniku siłaviki zatrymali žychara Salihorska 1994 hoda naradžeńnia. Mužčyna raskazaŭ, što zabraŭ ściah, kab zrabić ź im fatahrafiju.
Ciapier u dačynieńni da jaho raspačali kryminalnuju spravu.
«Piačeńnie «Ekstremistka». Jak niamieckaja piśmieńnica pakazvaje biełaruskija pratesty