Žychar Pieciarburha pamior paśla ŭkusu čałavieka
Mužčyna zrabiŭ zaŭvahu i pakazaŭ siaredni palec, u jaki ŭčapiŭsia zubami nieadekvat.
13.09.2024 / 11:13
Ilustracyjnaje fota
51-hadovy žychar Krasnahvardziejskaha rajona staŭ achviaraj ułasnaha jazyka: dvuma tydniami raniej jon zrabiŭ zaŭvahu minaku, jaki niepryhoža siabie pavodziŭ.
Jon taksama padmacavaŭ svaje słovy nieprystojnym žestam, i nieznajomy ŭ adkaz ukusiŭ hora-lektara za siaredni palec.
Paciarpieły nijakaha značeńnia bajavomu ranieńniu nie nadaŭ, bo padumaŭ, što drobiaź, i projdzie samo.
Ale rana ŭsio nie haiłasia, i 12 vieraśnia pieciabruržac byŭ vymušany źviarnucca da ŭrača. Adtul jaho nakiravali naŭprost na apieracyju, padčas jakoj pacyjent pamior. Papiarednie, pryčynaj śmierci stała niekratyzujučaja infiekcyja.