Prezident Litvy zajaviŭ, što nie maje iluzij adnosna Biełarusi
Palityka Biełarusi jak sajuźnicy Rasii zastajecca krynicaj ryzyk, i Vilnia budzie patrabavać dalejšych abmiežavańniaŭ suprać jaje, zajaviŭ prezident Litvy Hitanas Naŭsieda ŭ Kijevie na pres-kanfierencyi z Uładzimiram Zialenskim.
12.09.2024 / 21:40
Jon adznačyŭ, što na terytoryi Biełarusi Rasija pravodzić vučeńni i ažyćciaŭlaje adtul nastup na ŭkrainskuju terytoryju. Taksama jon nahadaŭ, što biełaruski bok arhanizavana nakiroŭvaje nielehalnych mihrantaŭ na litoŭskuju terytoryju ŭ namahańniach destabilizavać situacyju.
«My paśpiachova supraćdziejničali takim sprobam, ale heta nie značyć, što Biełaruś nie sprabuje rabić hetaha i ŭ dalejšym. Ale hetyja apieracyi prosta pieramiaścilisia da miažy z Polščaj, i ni Polšča, ni ES nie mohuć hetaha tryvać. Tamu my hladzim na hetuju dziaržavu bieź iluzij i razumiejem, što heta jašče adna krynica ryzyk dla ŭsich nas», — padkreśliŭ Naŭsieda.
Jon dadaŭ, što Litva zaŭsiody na forumach ES ahituje za toje, kab u dačynieńni da Biełarusi ŭžyvalisia tyja ž sankcyi, jak i ŭ dačynieńni da Rasii.
«Niadaŭna ŭ ES byŭ pryniaty jašče adzin pakiet sankcyj suprać Biełarusi, i heta nie kaniec. My pavinny patrabavać jašče bolš strohaj acenki Biełarusi, uličvajučy situacyju», — skazaŭ Naŭsieda.
Prezident Litvy: Treba ŭzmacnić SPA krain Bałtyi
Minfin Litvy prapanavaŭ razarvać pahadnieńnie ab mytnym supracoŭnictvie ź Biełaruśsiu
«U Biełarusi situacyja źmienicca tolki paśla taho, jak jana źmienicca ŭ Rasii» — Radasłaŭ Sikorski