«U Biełarusi situacyja źmienicca tolki paśla taho, jak jana źmienicca ŭ Rasii» — Radasłaŭ Sikorski
Prakramloŭskija prankiery «Vavan» i «Leksus» (Uładzimir Kuźniacoŭ i Alaksiej Stalaroŭ) novaj svajoj achviaraj abrali ministra zamiežnych spraŭ Polščy Radasłava Sikorskaha, jakomu patelefanavali ad imia byłoha prezidenta Ukrainy Piatra Parašenki. Siarod inšaha krychu razmaŭlali i pra Biełaruś, piša «Biełsat».
12.09.2024 / 16:48
Radasłaŭ Sikorski. Fota: AP Photo/Czarek Sokolowski
U Sikorskaha spytalisia, ci moža Polšča dapamahčy biełaruskaj apazicyi. Ministr adkazaŭ, što Polšča maje stasunki ź biełaruskimi demakratyčnymi siłami, ale jany, maŭlaŭ, «nie pavinny ničoha rabić zaŭčasna», bo «ich razdušać»: režym u Biełarusi represiŭny, a Rasija maje ŭ Biełarusi daŭni ŭpłyŭ.
«Maja rabočaja prapanova zaklučajecca ŭ tym, što ŭ Biełarusi situacyja źmienicca tolki paśla taho, jak jana źmienicca ŭ Rasii, a nie raniej», — skazaŭ Sikorski.
Na pytańnie, ci byŭ šaniec niečaha dasiahnuć sa Śviatłanaj Cichanoŭskaj i inšymi biełaruskimi palitykami, Sikorski adkazaŭ, što tolki tady, kali b u Rasii adbyłasia źmiena ŭłady. Tamu Sikorski zaklikaŭ rychtavacca da patrebnaha momantu.
Sikorski raskazaŭ, jak prymusić Pucina spynić vajnu
MZS Polščy dało łakaničny adkaz na zajavu Vaskrasienskaha
Vaskrasienski choča, kab Pačobuta pryjechaŭ zabirać asabista Sikorski
Sikorski: Polšča abaviazana źbivać rasijskija rakiety nad Ukrainaj
Sikorski pra vyzvaleńnie Pačobuta: My sprabujem roznyja idei, spadziajusia, adna ź ich spracuje