HUR Minabarony Ukrainy paćvierdziła infarmacyju pra źbity rasijski źniščalnik i pakazała VIDEA
HUR Minabarony Ukrainy apublikavała videa ataki rasijskaha samalota Su-30 nad Čornym moram.
12.09.2024 / 08:55
«Padčas apieracyi ŭ akvatoryi Čornaha mora voiny śpiecpadraździaleńnia HUR MA Ukrainy źniščyli rasijski bajavy samalot Su-30SM traplańniem z PZRK. Źniščalnik, jaki ŭpaŭ u mory, naležaŭ da 43 asobnaha marskoha avijacyjnaha pałka VKS RF, jaki bazujecca na aeradromie horada Saki ŭ časova akupavanym Krymie», — skazana ŭ zajavie.
Rasija infarmacyju aficyjna nie kamientavała. Post biez słoŭ infarmavanaha rasijskaha kanała Fighterbomber paćviardžaŭ infarmacyju pra stratu Rasijaj samalota.
Napiaredadni ŭ Minabarony RF zajavili, što ŭkrainskija vajskoŭcy sprabavali zachapić buravuju ŭstanoŭku «Krym-2» u Čornym mory.