U polskim Urocłavie z tryvohaj čakajuć vialikaj pavodki
U najbližejšyja dni mietearołahi prahnazujuć, što va Urocłavie adbuducca mocnyja zalevy. Čakajecca, što z 12 pa 16 vieraśnia ich uzrovień składzie 380 litraŭ na kvadratny mietr. Kali prahnozy spraŭdziacca, heta budzie absalutny rekord u historyi horada, miž tym jak u im pamiatajuć, jakoj biady narabiła «Pavodka tysiačahodździa» 1997 hoda.
11.09.2024 / 23:26
Urocłaŭ padčas pavodki 1997 hoda. Fota: Ośrodek Pamięć i Przyszłość / Maria Niewiadomska
U horadzie staviacca da pahrozy vielmi surjozna, usie słužby horada pryviedzienyja ŭ stan pavyšanaj hatoŭnaści, a haradskija mierapryjemstvy, pryznačanyja na najbližejšyja dni, admienienyja.
Ciapier haradskija słužby aparažniajuć usie kalektary i liŭnievyja kanalizacyi, pravodziać ahlady liŭnievych ściokaŭ, praviarajuć kłapany i truby kanalizacyjnaj sietki, stvarajuć dadatkovyja avaryjnyja bryhady.
Urocłaŭ padčas pavodki 1997 hoda. Fota: Ośrodek Pamięć i Przyszłość
Raka Odra, na jakoj staić Urocłaŭ, moža vychodzić ź bierahoŭ z-za mocnych daždžoŭ. Adna z samych mocnych pavodak zdaryłasia ŭ lipieni 1997 hoda, jakaja atrymała nazvu «Pavodka tysiačahodździa». Tady Odra, raźliŭšysia, zatapiła ŭsie harady na svaim šlachu: Apole, Urocłaŭ, Rybnik, Hłohaŭ. Adnačasova tady mocna tapiła Čechiju i ŭschod Hiermanii.
U Drezdenie abrynuŭsia most praz Elbu. Heta moža pahražać pavodkaj
Jeŭropa rychtujecca da niezvyčajna ciopłaha vieraśnia paśla letniaj śpioki
Na Paŭdniova-Uschodniuju Aziju abrynuŭsia mocny tajfun, ad jakoha cierpiać i biełarusy