Pad Lidaj kiroŭca ŭrezaŭsia ŭ mašynu darožnaj słužby i zahinuŭ
Trahiedyjaj skončyłasia sproba kiroŭcy lehkavika «Škoda» abahnać hruzavik na trasie ŭ Lidskim rajonie. Robiačy manieŭr, jon sutyknuŭsia z mašynaj darožnaj słužby i zahinuŭ, paviedamili va UDAI UUS Hrodzienskaha abłvykankama.
10.09.2024 / 16:43
Fota: UDAI UUS Hrodzienskaha abłvykankama
Tam udakładnili, što DTZ adbyłosia siońnia kala hadziny dnia na 194-m kiłamietry trasy M6 pablizu vioski Špilki.
Fota: UDAI UUS Hrodzienskaha abłvykankama
«44-hadovy kiroŭca ruchaŭsia ŭ bok Minska, pa krajniaj levaj pałasie staŭ apiaredžvać vialikahruz i dapuściŭ sutyknieńnie z mašynaj prykryćcia rabotnikaŭ darožnaj słužby, jakaja stajała ŭ joj, i jakija ažyćciaŭlali absłuhoŭvańnie bietonnych błokaŭ na raździalalnaj pałasie», — skazana ŭ paviedamleńni miascovaha DAI.
U Minsku aŭtobus-harmonik sutyknuŭsia z matacykłam
Žudasnaja avaryja ŭ Zelvie: mašyny paśla sutyknieńnia całkam zhareli
U Mahilovie bus naśmierć źbiŭ matacyklista. Vinavaty źbieh ź miesta DTZ