Mužčyna, jaki napaŭ na alimpijskuju spartsmienku z Uhandy, sam pamior ad apiokaŭ
Dyksan Ndzijema atrymaŭ ich paśla taho, jak abliŭ bienzinam i padpaliŭ svaju byłuju siabroŭku, alimpijskuju spartoŭku Rebieku Čeptehi.
10.09.2024 / 15:00
Rebieka Čeptehi. Fota: AP Photo
Bojfrend uhandyjskaj lohkaatletki pamior u balnicy ad apiokaŭ, piša Bi-bi-si.
33-hadovaja ŭdzielnica Paryžskaj Alimpijady pamierła 5 vieraśnia ad nastupstvaŭ šyrokich apiokaŭ — jana atrymała apioki 80 adsotkaŭ cieła. Ndzijema atrymaŭ apioki 30 adsotkaŭ cieła i byŭ špitalizavany.
Jak paviedamlajuć miascovyja ŭłady, spartsmienka i jaje były bojfrend pasvarylisia z-za ŭčastka ziamli.
Čeptehi zaniała 44-je miesca ŭ marafonie na niadaŭnich Alimpijskich hulniach u Paryžy. Jana taksama zavajavała zołata na čempijanacie śvietu pa trejłraninhu ŭ Tajłandzie ŭ 2022 hodzie.
Hibiel biahuchi ŭzrušyła spartovuju supolnaść. Mer Paryža An Idalho na dniach skazała, što ŭ honar Rebieki Čeptehi budzie nazvany spartyŭny abjekt u francuzskaj stalicy.
Uhandyjskaja spartoŭka, jakuju padpaliŭ bojfrend, pamierła ŭ balnicy