Palitviaźnia Andreja Budaja buduć sudzić pa novaj kryminalnaj spravie
Andrej — fihurant pa hučnaj spravie inicyjatyvy «Busły laciać», jakuju pryznali terarystyčnaj.
10.09.2024 / 14:41
Jaho pryznali vinavatym pavodle čatyroch artykułaŭ Kryminalnaha kodeksa. Sudździa Anastasija Papko 28 vieraśnia 2022 hoda pryznačyła jamu 15 hadoŭ kałonii va ŭmovach uzmocnienaha režymu i štraf u 500 bazavych vieličyń, piša «Viasna»
Spačatku palitviazień adbyvaŭ termin u viciebskaj kałonii № 3, a paźniej byŭ pieraviedzieny ŭ babrujskuju kałoniju № 2. Viadoma, što palitviaźnia rehularna źmiaščajuć u ŠIZA.
Stała viadoma, što 23 vieraśnia ŭ Babrujsku Andreja buduć sudzić pavodle č. 2 art. 411 KK za «złosnaje niepadparadkavańnie patrabavańniam administracyi kałonii». Spravu budzie razhladać sudździa Pavieł Karcinin.
Miesca ŭtrymańnia: PK № 2. 213800, h. Babrujsk, vuł. Sikorskaha, 1, Andrej Viačasłavavič Budaj