Siońnia pačynajuć sudzić historyka Ihara Mielnikava
Sudovy praces nad historykam budzie razhladacca ŭ Minharsudzie. Jaho abvinavačvajuć u «sadziejničańni ekstremisckaj dziejnaści» (č. 1 art. 361-4 KK). Sudzić Mielnikava budzie sudździa Michaił Makarevič, piša «Viasna».
10.09.2024 / 10:50
Ihar Mielnikaŭ. Fota ź jaho fejsbuku
Ihar śpiecyjalizujecca na historyi Zachodniaj Biełarusi ŭ składzie Polščy dy vajennaj historyi, vydaŭ paŭtara dziasiatka knih pa temie. U historyka była nieadnaznačnaja reputacyja ŭ prafiesijnych kołach. Jon pačynaŭ z zachodnierusizmu, adtul pieraskočyŭ u pałanafilstva, ale ŭrešcie pryjšoŭ u padkreślenuju biełaruskaść.
Apošniaja aktyŭnaść Mielnikava ŭ instahramie datujecca 21 studzienia, akurat napiaredadni rejdu na salidarnych z palitviaźniami, jaki adbyŭsia z 23 pa 24 studzienia — praŭda, nieviadoma, ci patrapiŭ jon u rejd abo tak supała. Sutnaść abvinavačańnia nieviadomaja.
Stała viadoma, pa jakim artykule sudziać historyka Ihara Mielnikava i što jamu pahražaje
Stała viadoma pra aryšt historyka Ihara Mielnikava
Knihi Ihara Mielnikava trapili ŭ śpis ekstremisckich materyjałaŭ