Pažar na Almanskich bałotach tušać bolš za 100 čałaviek
Zadziejničana šmat adzinak techniki.
10.09.2024 / 08:18
Fota: Minlashas
Bolš za sotniu rabotnikaŭ praciahvajuć tušyć pažar u Paleskim lashasie na Almanskich bałotach, paviedamili BiełTA ŭ Ministerstvie lasnoj haspadarki.
Jak raskazała Taćciana Samajłovič, na likvidacyi bujnoha pažaru zadziejničana 26 adzinak techniki. Siarod jaje piać traktaroŭ z płuhami, dzieviać usiudychodaŭ, čatyry pažarnyja aŭtamabili, vosiem adzinak inšaj techniki. Taksama pažar likvidujuć 110 čałaviek. 25 ź ich — kalehi ź lashasaŭ Homielskaha departamienta, jakija prybyli na dapamohu.
«Akramia dziaržlesachovy Paleskaha lashasa, da tušeńnia pryciahnuty rabotniki Łuninieckaha, Ivacevickaha doślednaha, Cielachanskaha, Stolinskaha lashasaŭ Bresckaj vobłaści. Taksama my ŭdziačnyja za dapamohu našym kaleham ź lashasaŭ Homielskaj vobłaści, jakija ŭ ciažki momant padstavili plačo dapamohi. Dla zadziejničanych na tušeńni rabotnikaŭ lashasaŭ arhanizavana haračaje charčavańnie», — raspaviała Taćciana Samajłovič.