U Minsku źjavicca novy mikrarajon na miescy byłoha palihona
Dzie jon źjavicca?
09.09.2024 / 10:10
Ilustracyjnaje fota
U Minsku źjavicca novy mikrarajon. Pra heta Minsk-navinam paviedamiła staršynia kamiteta budaŭnictva i inviestycyj Minharvykankama Iryna Hontarava.
«Pierśpiektyŭnaja bujnaja placoŭka — heta novy mikrarajon na miescy byłoha palihona pobač z Kałodziščami. Tam płanujecca pabudavać kala 4 młn kvadratnych mietraŭ žylla. Prajektnaja dakumientacyja ciapier u stadyi raspracoŭki», — raskazała čynoŭnica.
«Heta značyć pierśpiektyva kompleksnaj zabudovy ŭsio ž taki majecca, ale tym nie mienš siońnia ŭzvodzicca žyllo na terytoryjach u miežach MKAD, u asnoŭnym pryvatnaha siektara», — adznačyła jana.
«Kančatkova pryvodzim u paradak pr. Dziaržynskaha. Taksama źjaviacca damy na vuł. Kłumava i Ščarbakova. Zaviaršajecca budaŭnictva ŭ mikrarajonie Łošyca-7, padrychtoŭvajecca placoŭka Łošycy-5. U Łošycy-10 źnieśli nieabchodnyja budynki, na ŭčastak užo vyjšaŭ MAPID dla prakładki inžyniernych sietak. U kožnym rajonie horada jość placoŭki dla budaŭnictva. Pa miery vyzvaleńnia starajemsia pryvieści ich u paradak», — udakładniła Hontarava.