Pamior šmathadovy viadoŭca KVZ Alaksandr Maślakoŭ
Pra śmierć va ŭzroście 82 hady viadomaha rasijskaha televiadučaha, šmathadovaha viadoŭcu Kłuba viasiołych i znachodlivych Alaksandra Maślakova paviedamili ŭ sacsietkach KVZ. Jon chvareŭ na rak lohkich.
08.09.2024 / 19:07
Televiadučy Alaksandr Maślakoŭ naradziŭsia 24 listapada 1941 hoda ŭ Śviardłoŭsku. Na telebačańnie jon trapiŭ, budučy studentam Maskoŭskaha instytuta inžynieraŭ transpartu — z 1964 hoda jon pracavaŭ u hałoŭnaj redakcyi prahram dla moładzi.
Tady Kłub viasiołych i znachodlivych tolki pačaŭ vychodzić, i jahony pieršy viadoŭca Albiert Aksielrod, sychodziačy z prahramy, parekamiendavaŭ Alaksandra na svajo miesca.
Paśla taho Maślakoŭ byŭ niaźmiennym viadučym KVZ da 1971 hoda, kali rašeńniem Kiraŭnika Dziaržteleradyjo SSSR papularnuju prahramu zakryli. U 1986 hodzie KVZ adradziŭsia, i na rolu viadučaha znoŭ paklikali Maślakova. Z časam jon staŭ režysioram i kiraŭnikom prahramy, a zatym prezidentam tvorčaha abjadnańnia «AMiK», jakoje vyrablaje hetaje zabaŭlalnaje šou.
U 1970-ja jon vioŭ taksama papularnyja prahramy dla moładzi «Alo, my šukajem talenty!», «A nu, dziaŭčaty!», «A nu, chłopcy!», «Adrasy maładych» i inšyja.
U KVZ — novy viadučy. U Maślakova — ankałahičnaje zachvorvańnie
Maskoŭskaja kamanda KVZ pažartavała pra Pryhožyna, Łukašenku i elektronnyja pozvy