U Lelčycach Dzień horada praviali ŭ dymie z čarnobylskaj zony
U 12-tysiačnym rajcentry na Dzień horada 7 vieraśnia byŭ razhornuty standartny nabor aktyŭnaściaŭ: parad pracoŭnych kalektyvaŭ, vuličnyja vystavy i ježa, kancert. U Dzień horada na niekatorych aficyjnych fotazdymkach bačnaja smuha — heta smoh, a sonca nad śviatočnaj scenaj zakryvaje žoŭty dym, piša «Fłahštok».
08.09.2024 / 17:53
Śviatkavańnie Dnia Lelčyc. Fota: «Śvietłaje žyćcio»
U hety ž čas u Kijeŭskaj vobłaści Ukrainy na terytoryi zony adčužeńnia Čarnobylskaj AES na terytoryi 1 000 hiektar Vilčeŭskaha laśnictva z 5 vieraśnia praciahvaŭsia pažar.
Da 6 vieraśnia dym dasiahnuŭ Lelčyc. Niekalki žycharoŭ horada zapisali tryvožnaje videa.
Heta nie paŭpłyvała na rašeńnie miascovych uładaŭ pravodzić Dzień horada. Miascovy rajvykankam tolki raźmiaściŭ standartnuju zvodku MNS pra pažar u pamiežnaj zonie i paviedamiŭ, što situacyja znachodzicca na kantroli ŭ apieratyŭnych słužbaŭ. Paviedamleńnie źjaviłasia paśla zaviaršeńnia asnoŭnych mierapryjemstvaŭ Dnia horada.
Servis worldview.earthdata ad NASA paćvierdziŭ, što 7 vieraśnia Lelčycy nakryŭ dym ad pažaru lesu na terytoryi zony adčužeńnia Čarnobylskaj AES.
Lasny radyjeaktyŭny pažar niebiaśpiečny praduktami hareńnia (popieł, niedapał, dymavy aerazol, hazapadobnyja pradukty), jakija ŭjaŭlajuć saboj adkrytyja krynicy ianizujučaha vypramieńvańnia.
Miesca pažaru na karcie zabrudžvańnia cezijem-137 ukrainskaj zony adčužeńnia (infahrafika «Fłahštoka»)
Miesca pažaru na karcie zabrudžvańnia stroncyjem-90 (infahrafika «Fłahštoka»)
Jak vyhladajuć adsielenyja terytoryi praz 38 hadoŭ paśla avaryi na ČAES FOTY
Zabrudžanaja spadčyna Biełarusi. Ci možna jaje ŭbačyć i nakolki heta biaśpiečna?
Siońnia dzień, jaki biełarusam nielha, ni ŭ jakim razie nielha zabyvać