CRU ličyła realnym prymianieńnie jadziernaj zbroi Rasijaj u 2022-m
Kiraŭnik amierykanskaj raźviedki sustrakaŭsia tady z pradstaŭnikom Kramla, kab papiaredzić pra nastupstvy.
07.09.2024 / 23:33
Pucin nie raz pałochaŭ śviet jadziernaj knopkaj. Fota: Gavriil Grigorov, Sputnik, Kremlin Pool Photo via AP
Kiraŭniki raźviedvalnych słužbaŭ ZŠA i Vialikabrytanii siońnia vystupili na fiestyvali haziety Financial Times u Łondanie.
Dyrektar CRU Uiljam Bierns raskazaŭ tam, što vosieńniu 2022 hoda ryzyka prymianieńnia Rasijaj taktyčnaj jadziernaj zbroi va Ukrainie ŭjaŭlałasia realnaj. I tamu prezident Džo Bajden adpraviŭ jaho asabista na sustreču z pradstaŭnikom Kramla, kab pieraścierahčy ab nastupstvach.
Viadoma, što Bierns sustrakaŭsia ŭ listapadzie 2022-ha ŭ Ankary z kiraŭnikom Słužby źniešniaj raźviedki Rasii Siarhiejem Naryškinym.
Kiraŭnik CRU vykazaŭsia taksama nakont praryvu ŭkraincaŭ u Kurskaj vobłaści. Pa jaho słovach, heta apieracyja prymusiła mnohich pradstaŭnikoŭ rasijskich elit zasumniavacca ŭ pravilnaści palityčnaha kursu.