Ukraina stabilizavała front pad Pakroŭskam
U apošnija tydni rasijskija vojski chutka prasoŭvalisia ŭ napramku bujnoha horada Pakroŭsk Danieckaj vobłaści i padyšli da jaho na 7—8 km. Miascovyja ŭłady abviaścili tady evakuacyju. Adnak ciapier ukrainskim abaroncam udałosia stabilizavać front.
07.09.2024 / 10:10
Bild
Kali raniej US RF prachodzili na zachad pa 2—4 km u sutki, to ŭ apošnija dni spynilisia. USU paśpiachova ŭtrymlivajuć Ukrainsk i Sialidava, a taksama pasiołak Hradoŭka, rasiejcy ŭziali horad Novahradoŭka.
«Vyhladaje tak, što z dapamohaj šmatlikich padmacavańniaŭ Ukraina zmahła trochi stabilizavać situacyju. <..> Za apošnija jak minimum piać dzion my nie bačyli dalejšaha [rasijskaha] prasoŭvańnia. Ukraina pierakinuła tudy značnyja padmacavańni. Nie tolki padraździaleńni dronaŭ, ale i suchaputnyja siły. I ciapier jany sprabujuć strymać rasijskuju armiju. Bolš-mienš paśpiachova, prynamsi ŭ paraŭnańni z tym, što było za dva-try tydni da hetaha», — paviedamlaje ekśpiert Bild pa analizie adkrytych danych Juljan Ropkie.