Pad Varoniežam abviaścili evakuacyju z-za detanacyi bojeprypasaŭ
Tam z-za ataki bieśpiłotnika pačaŭsia pažar na składzie bojeprypasaŭ. Ułady abviaścili evakuacyju niekalkich viosak.
07.09.2024 / 09:35
Dron byŭ «znojdzieny i padaŭleny» ŭ Astrahožskim rajonie ranicaj, paviedamiŭ hubiernatar Varoniežskaj vobłaści Alaksandr Husieŭ.
Z-za padzieńnia bieśpiłotnika «ŭźnik pažar, jaki pierajšoŭ na vybuchovaniebiaśpiečnyja pradmiety, — pačałasia detanacyja». Paciarpiełych niama.
Pieršapačatkova Husieŭ paviedamiŭ ab evakuacyi ŭ susiedni nasieleny punkt žycharoŭ adnaho siała. Praz paŭhadziny hubiernatar napisaŭ, što evakujavać buduć užo niekalki viosak. Jakija mienavita, jon nie ŭdakładniŭ.
Manitorynhavyja telehram-kanały pišuć, što dron trapiŭ u skład bojeprypasaŭ, i publikujuć videa, na jakich vyrazna čutnyja vybuchi. Miascovyja žychary paviedamlali, što detanacyja praciahvajecca niekalki hadzin.