MZS Polščy dało łakaničny adkaz na zajavu Vaskrasienskaha
MZS Polščy adreahavała na niadaŭniuju zajavu prapahandysta Juryja Vaskrasienskaha adnosna taho, što ministr zamiežnych spraŭ Polščy Radasłaŭ Sikorski nibyta pavinien asabista pryjechać u Biełaruś, kab zabrać palitviaźnia Andžeja Pačobuta.
06.09.2024 / 20:37
Juryj Vaskrasienski
Adkazvajučy ŭ hetaj spravie na zapyt «Jeŭraradyjo», polskaje źniešniepalityčnaje viedamstva zajaviła:
«Paviedamlajem, što prapanova, jakuju ŭ čarhovy raz pradstaviŭ kałabarant biełaruskaha režymu, nie ŭpisvajecca ni ŭ adzin kanon dvuchbakovych adnosin».
Raniej Juryj Vaskrasienski, vystupajučy ŭ prahramie prapahandysta Ryhora Azaronka, zajaviŭ, što Biełaruś nibyta prapanoŭvała vyzvalić Pačobuta ŭ ramkach rasijska-amierykanskaha abmienu, ale zabrać jaho pavinien byŭ na terytoryi Biełarusi asabista ministr zamiežnych spraŭ Polščy Radasłaŭ Sikorski. Palaki ž, maŭlaŭ, «admovilisia, potym pačali chłusić».
Vaskrasienski choča, kab Pačobuta pryjechaŭ zabirać asabista Sikorski
Dla kaho byli apošnija zajavy Juryja Vaskrasienskaha?