U kastryčniku ŭ Minsku adkryjuć pieršy ŭ Biełarusi chram Armianskaj apostalskaj carkvy
Pra namier adkryć u kastryčniku ŭ Minsku chram Armianskaj apostalskaj carkvy było zajaŭlena padčas naviedvańnia budaŭničaj placoŭki 6 vieraśnia ministram zamiežnych spraŭ Maksimam Ryžankovym i staršynioj Minharvykankama Uładzimiram Kucharavym, paviedamlaje BiełTA.
06.09.2024 / 16:04
Pavodle słoŭ čynoŭnikaŭ, heta budzie nie tolki chram, ale i miesca pryciahnieńnia sacyjalna-kulturnaha žyćcia, tamu što na terytoryi taksama ŭzvodzicca budynak niadzielnaj škoły. U vyniku tut paŭstanie, maŭlaŭ, ceły duchoŭny kompleks Armianskaj apostalskaj carkvy.
Budaŭnictva chrama Armianskaj apostalskaj carkvy pačałosia ŭ žniŭni 2022 hoda pa vulicy Filimonava ŭ Minsku na dobraŭparadkavanym učastku 0,42 ha i ciapier nabližajecca da zaviaršeńnia.
Chram vyłučajecca svaim architekturnym abliččam u armianskaj nacyjanalnaj stylistycy, jon zrobleny pieravažna armianskimi majstrami i z materyjałaŭ, pryviezienych z Armienii.
Zatrymanaja ŭ Armienii biełaruska ŭžo moža svabodna pakinuć krainu
Pasolstva Biełarusi ŭ Armienii zakidali jajkami i pamidorami VIDEA
MZS Biełarusi vyklikała armianskaha dypłamata i paskardziłasia na kidalnikaŭ harodniny i jajek