MZS vyklikaŭ pasła Japonii
Aficyjny Minsk zajaviŭ pratest pasłu Japonii ŭ suviazi ź dziejnaściu nibyta špijona hetaj krainy.
06.09.2024 / 15:31
U MZS byŭ vyklikany pasoł Japonii, jakomu byŭ zajaŭleny pratest u suviazi ź dziejnaściu nibyta špijona hetaj krainy, zajaviŭ pres-sakratar MZS Anatol Hłaz, piša BiełTA.
«U MZS Biełarusi 6 vieraśnia byŭ vyklikany pasoł Japonii Chirajuki Jamamota. Kiraŭniku japonskaj dypmisii byŭ zajaŭleny pratest u suviazi z praviadzieńniem niadaŭna zatrymanym hramadzianinam Japonii na terytoryi našaj krainy špijonskaj dziejnaści, jakaja naniesła škodu biaśpiecy Respubliki Biełaruś», — skazaŭ Anatol Hłaz
Jon taksama prakamientavaŭ zajaŭlenyja japonskim bokam patrabavańni schavać złačynstva ad hramadskaści i nie demanstravać u ŚMI — jany pakinutyja biez razhladu ŭ suviazi ź niepravamocnaściu.
«U dadzienym kantekście tym bolš vyhladaje niedarečnym pratest z nahody demanstracyi filma, jaki raskryvaje hramadstvu złačynny charaktar dziejańniaŭ japonskaha hramadzianina», — skazaŭ Anatol Hłaz. Pavodle jaho słoŭ, usie śledčyja pracedury byli praviedzieny ŭ poŭnaj adpaviednaści ź biełaruskim zakanadaŭstvam i ŭsimi mižnarodna-pravavymi normami. Da zatrymanaha byŭ zabiaśpiečany konsulski dostup, kamfortnyja ŭmovy jaho ŭtrymańnia viadomyja japonskamu boku, jon zabiaśpiečany abaronaj, dobraachvotna supracoŭničaje sa śledstvam i idzie na kantakt sa ŚMI.
U Biełarusi paviedamili pra zatrymańnie ahienta japonskich śpiecsłužbaŭ
Tokia paćvierdziŭ zatrymańnie hramadzianina Japonii ŭ Biełarusi
Japonija vykazała Biełarusi pratest u suviazi z vychadam u efir prahramy pra zatrymanaha japonca