Palitviaźnia, zatrymanaha pa viartańni z Polščy, buduć sudzić pa dvuch kryminalnych artykułach
Maksim Chvaščynski — žychar Babrujska, jakoha zatrymali 26 lutaha — na nastupny dzień paśla taho, jak viarnuŭsia z Polščy.
06.09.2024 / 14:58
Spačatku jaho asudzili pa administracyjnym artykule 19.11 (raspaŭsiud ekstremisckich materyjałaŭ), a zatym zaviali kryminalnuju spravu pavodle č. 1 i č. 2 art. 361-1 KK (stvareńnie ekstremisckaha farmavańnia) — nibyta Maksim datyčny da stvareńnia ekstremisckaha farmavańnia «Babrujsk 375», a taksama ekstramisckaha th-čatu «Bobr 97%». Akramia hetaha jaho vinavaciać u «paklopie na Łukašenku» (art. 367 KK).
Spravu palitviaźnia pačnie razhladać 18 vieraśnia Mahiloŭski abłasny sud. Sudździa — Ihar Šviedaŭ, piša «Viasna».
Miesca ŭtrymańnia Maksima: Turma № 4. 212011, h. Mahiloŭ, vuł. Krupskaj, 99A, Maksim Uładzimiravič Chvaščynski