U Polščy nakryli padpolnuju tytuniovuju fabryku, dzie pracavali biełarusy
Cyharety na joj fasavali ŭ skrynki z-pad picy.
06.09.2024 / 12:31
Fota: Straż graniczna.pl
U Mazavieckim vajavodstvie Polščy nakryli padpolnuju fabryku pa vytvorčaści cyharet. U pryvatnych damach pierapracoŭvali tony tytuniu, a hatovyja vyraby fasavali ŭ skrynki, jakija zvyčajna vykarystoŭvajuć dla picy — pa 4 tysiačy štuk u kožnuju. Na fabrycy pracavali i biełarusy, ich taksama zatrymali, piša Most.
Ahułam vyjavili 3,8 młn nielehalna vyrablenych cyharet i 13,4 tony tytuniu. Košt znojdzienych vyrabaŭ pravaachoŭniki aceńvajuć u 14 młn złotych (3 młn jeŭra), a technałahičnaha abstalavańnia — u 1 młn złotych.
Siłaviki kanfiskavali ŭ złačyncaŭ piać transpartnych srodkaŭ, mabilnyja telefony i kamunikacyjnuju aparaturu, 134 tysiač złotych i 1020 jeŭra najaŭnymi, a taksama bižuteryju na 40 tys. złotych.
U chodzie apieracyi ŭdałosia zatrymać siemiarych vykanaŭcaŭ, jakija byli źviazany z padpolnaj vytvorčaściu, u tym liku čaćviarych biełarusaŭ. Sud pastanaviŭ zaklučyć ich pad vartu na čas śledstva.