MZS Litvy: Asudžajem akty vandalizmu ŭ adnosinach da biełaruskaj hramady, ździejśnienyja pa mietadyčcy KDB
Litoŭskaje źniešniepalityčnaje viedamstva prakamientavała akty vandalizmu ŭ dačynieńni da biełaruskich miescaŭ u Vilni.
05.09.2024 / 17:25
Fota: th-kanał arhanizacyi «Dapamoha»
MZS Litvy vystupiŭ z asudžeńniem vandalizmu, ździejśnienaha ŭ dačynieńni da važnych dla biełaruskaj dyjaspary miescaŭ u Vilni.
Napiaredadni na praciahu sutak nieviadomyja vybili šyby ŭ Centry biełaruskaj supolnaści i kultury ŭ centry Vilni, abstralali ź pnieŭmatyki pamiaškańnie Biełaruskaha pravasłaŭnaha prychodu ŭ Vilni, a taksama nanieśli antybiełaruski nadpis kala ofisa biełaruskaj arhanizacyi «Dapamoha».
«My rašuča asudžajem akty vandalizmu ŭ dačynieńni da biełaruskaj abščyny, učynienyja pa mietadyčcy KDB. Vinavatyja buduć pryciahnutyja da adkaznaści.
My całkam padtrymlivajem svabodalubnych ludziej, jakija zmahajucca za demakratyčnuju Biełaruś i jaje jeŭrapiejskuju budučyniu», — havorycca ŭ zajavie MZS Litvy.
Antybiełaruski nadpis pakinuli i kala ofisa biełaruskaj arhanizacyi «Dapamoha» ŭ Vilni
U Vilni abstralali vokny biełaruskaj carkvy
Ofis Cichanoŭskaj prakamientavaŭ akty vandalizmu ŭ dačynieńni da biełaruskaj dyjaspary ŭ Vilni