Abłasnyja «Dažynki» ŭ Mikaševičach pieranieśli za dva dni da śviata
Ułady Bresckaj vobłaści pieranieśli fiestyval pracaŭnikoŭ vioski «Dažynki», paviedamiŭ telehram-kanał haziety «Łuninieckija naviny».
05.09.2024 / 14:20
«Idzie narychtoŭka kukuruzy, burakoŭ i inšych kultur. Vachtu chlebarobaŭ pryniali traktarysty, miechanizatary, kambajniery, jakija i siońnia pracujuć na ziamli», — havorycca ŭ paviedamleńni.
Tamu miechanizataraŭ i kambajnieraŭ vyrašana nie adciahvać z paloŭ na śviata. A ŭ «Dažynkach» jany buduć brać udzieł razam z usimi inšymi pracaŭnikami vioski, ale paźniej. Novaja data «Dažynak» u Mikaševičach pakul nie nazyvajecca.