Namieśnika ministra enierhietyki asudzili na šeść hadoŭ
I dali vialiki štraf.
05.09.2024 / 13:03
Fota: BiełTA
Sud Leninskaha rajona Minska prysudziŭ byłoha namieśnika ministra enierhietyki Michaiła Michadziuka da šaści hadoŭ kałonii ŭzmocnienaha režymu, piša BiełTA.
Na padstavie č. 3 art. 430 KK sud pryznačyŭ Michaiłu Michadziuku pakarańnie ŭ vyhladzie pazbaŭleńnia voli na termin 6 hadoŭ z adbyvańniem u papraŭčaj kałonii va ŭmovach uzmocnienaha režymu sa štrafam 1000 bazavych vieličyń (40 000 rubloŭ), a taksama pazbaŭleńnia prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ na termin 5 hadoŭ.
U suviazi z amnistyjaj sud pastanaviŭ vyzvalić Michadziuka ad pakarańnia ŭ vyhladzie pazbaŭleńnia voli častkova terminam na hod. Termin adbyćcia pakarańnia ŭ vyhladzie pazbaŭleńnia voli vyličajecca z dnia ŭstupleńnia prysudu ŭ zakonnuju siłu.