Za ŭdzieł u akcyjach pratestu sudziać ajcišnika
U sudzie Maskoŭskaha rajona 5 vieraśnia raspačaŭsia sud nad Dźmitryjem Ovad-Marčukom.
05.09.2024 / 11:36
Spravu razhladaje Taćciana Pirožnikava, jakaja pa «narodnym» artykule z 2020-ha hoda asudziła ŭžo minimum 41 pratestoŭca, piša «Viasna».
Pra zatrymańnie Dźmitryja Ovad-Marčuka stała viadoma z prapahandysckich telehram-kanałaŭ 4 lipienia.
Na videa siłavikoŭ jon raspaviadaŭ, što ŭdzielničaŭ u paślavybarčych akcyjach pratestu i za heta ŭžo adbyvaŭ administracyjny aryšt. Taksama na videa jon «pryznavaŭsia», što pisaŭ inicyjatyvie «Čornaja kniha Biełarusi» i pakidaŭ abraźlivyja kamientary ŭ telehram-kanałach.
Tym nie mienš, ciapier jaho abvinavačvajuć tolki pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušajuć hramadski paradak).