Va Unutranych vojskach stvorać asobnyja atrady snajpieraŭ
Asobnyja atrady snajpieraŭ i apierataraŭ dronaŭ stvorać va ŭnutranych vojskach, paviedamiŭ namieśnik ministra ŭnutranych spraŭ, kamandujučy Unutranymi vojskami Mikałaj Karpiankoŭ padčas śviatkavańnia 82-j hadaviny stvareńnia vajskovaj čaści 3214.
05.09.2024 / 09:10
Ilustracyjnaje fota z telehram-kanała Unutranych vojsk
Robicca heta z ulikam «niaprostaj situacyi ŭ śviecie i na rubiažach krainy». Tak śpiecyjalny atrad chutkaha reahavańnia ŭžo atrymaŭ status centra śpiecyjalnaha pryznačeńnia.
Jon adkazvaje za padrychtoŭku i słužbova-bajavoje prymianieńnie ŭsich dziesiaci znoŭ sfarmavanych śpiecpadraździaleńniaŭ i 2 dobraachvotnickich atradaŭ śpiecnazu.
«Praca ŭ hetym kirunku pradaŭžajecca, najbližejšym časam płanujecca stvareńnie asobnych atradaŭ snajpieraŭ i apierataraŭ dronaŭ», — havorycca ŭ paviedamleńni ŭ telehram-kanale Unutranych vojsk.