CHAMAS adkinuŭ usie prapanovy nakont uhody ź Izrailem
Bińjamin Nietańjachu ŭ sieradu zajaviŭ, što paleścinski ruch CHAMAS adchiliŭ usie prapanovy ŭ ramkach uhody pa spynieńni ahniu ŭ siektary Haza ŭ abmien na vyzvaleńnie zakładnikaŭ.
05.09.2024 / 07:41
Fota: Leo Correa / AP
Pa słovach premjera Izraila, CHAMAS nie ŭchvaliŭ płan pa ŭrehulavańni situacyi ŭ siektary Haza, jaki byŭ prapanavany Džo Bajdenam 27 maja i zaćvierdžany Izrailem. Premjer udakładniŭ, što CHAMAS zapatrabavaŭ unieści ŭ hety płan 29 karekcirovak, jakija nibyta «pazbaŭlali jaho ŭsiakaha sensu».
Nietańjachu padkreśliŭ, što pytańnie izrailskaha vajskovaha kantrolu nad Fiładelfijskim kalidoram na miažy siektara Haza i Jehipta źjaŭlajecca daloka nie adzinaj pieraškodaj dla ŭhody z CHAMAS. Zhody niama litaralna ni pa adnym z punktaŭ, adznačyŭ kiraŭnik urada Izraila.
***
U chodzie napadu na Izrail 7 kastryčnika minułaha hoda bajeviki CHAMAS vykrali bolš za 250 čałaviek i zabili 1200 čałaviek na izrailskaj terytoryi.
Izrail u adkaz pačaŭ maštabnuju apieracyju ŭ siektary Haza i paabiacaŭ źniščyć CHAMAS. Pavodle źviestak padkantrolnaha bajevikam Ministerstva achovy zdaroŭja Hazy, z 7 kastryčnika tam było zabita bolš za 40 tysiač čałaviek.