У Ваўкавыску легкавік збіў дзяўчынку на электрасамакаце
Прэс-служба Следчага камітэта паведаміла, што 3 верасня ў Ваўкавыску 14-гадовая школьніца на электрасамакаце трапіла пад колы аўтамабіля, пераязджаючы «зебру».
04.09.2024 / 19:39
Фота: Следчы камітэт
У момант перасячэння вуліцы Гарбатава на нерэгуляваным пешаходным пераходзе дзяўчынку збіла машына, за рулём якой была 38-гадовая мясцовая жыхарка. У выніку дзіця атрымала цяжкія пашкоджанні.
Дзяўчынка знаходзіцца ў бальніцы, у той час як кіроўца аўто не пацярпела.
Ваўкавыскі раённы аддзел СК распачаў у дачыненні да 38-гадовай жанчыны крымінальную справу па ч. 2 арт. 317 («Парушэнне правіл дарожнага руху, якое пацягнула па неасцярожнасці прычыненне цяжкага цялеснага пашкоджання») КК.
У Курасоўшчыне перакуліўся Geely. Некалькі машын былі пашкоджаныя
У ДТЗ пад Бранскам загінуў вядомы гомельскі фатограф. Яму быў 31 год