Čałavieka, padazravanaha ŭ zabojstvie aktyvista Z-arhanizacyi, zamiest suda adpravili na vajnu
Mierkavany zabojca aktyvista rasijskaj Z-arhanizacyi «Zov naroda» Antona Jahoŭcava zamiest taho, kab stać pierad sudom, pajechaŭ na vajnu z Ukrainaj, paviedamlaje telehram-kanał Astra.
04.09.2024 / 16:28
Dźmitryj Maćviejeŭ i nož, jakim było ździejśniena zabojstva. Kałaž: 59.ru
U červieni hetaha hoda ŭ padmaskoŭnaj Łobnie byŭ zabity siabra ruchu «Zov naroda» Anton Jahoŭcaŭ. Jamu nanieśli 7 udaraŭ nažom.
Pa padazreńni ŭ zabojstvie byŭ zatrymany 37-hadovy trenier pa motakrosie Dźmitryj Maćviejeŭ. Toj, pavodle źviestak ŚMI, jašče ź minułaha hoda pieraśledavaŭ žonku Jahoŭcava, pahražaŭ siamji, vysočvaŭ ich, pry hetym usie zajavy ŭ palicyju zastalisia praihnaravanyja.
Ciapier ža kiraŭnik «Zova naroda» Siarhiej Zajcaŭ zajaviŭ, što sprava ab zabojstvie prypynienaja ŭ suviazi z adpraŭkaj abvinavačanaha na vajnu.
«Aficyjna viadoma, što sprava prypynienaja, užo dakładna kala miesiaca nijakich sudovych pracesaŭ nie idzie… Atrymlivajecca, čałaviek pajšoŭ na SVA, uchilajučysia ad adkaznaści. Dumaju, jon asensavana heta zrabiŭ, płanujučy abyści tak adkaznaść, u toj ža čas jon niasie adkaznaść pierad siamjoj za stratu karmiciela», — raskazaŭ jon vydańniu NEWS.ru.
Taksama jon śćviardžaje, što svajaki i tavaryšy Jahoŭcava źviartalisia da Minabarony z prośbaj nie adpraŭlać Maćviejeva na vajnu, adnak tam adkazali, što padstaŭ dla hetaha niama.
«Zov naroda» — abjadnańnie, aktyvisty jakoha ŭ asnoŭnym zajmajucca danosami na rasijskich zorak.
Eks-bajec PVK «Vahnier» žorstka zabiŭ svaju ciažarnuju dziaŭčynu z-za złamanaj akustyčnaj kałonki
Były bajec PVK «Vahnier» atrymaŭ 23 hady za zabojstva — i praz 8 dzion znoŭ pajšoŭ na vajnu