U Loźnie daišniki pa ŭsim pasiołku hanialisia za padletkam na matacykle «Minsk»
16-hadovy chłopiec admoviŭsia spyniacca pa patrabavańni i pasprabavaŭ uciačy ad pahoni.
04.09.2024 / 15:00
Skrynšot videa MUS
U Loźnie supracoŭniki DAI zaŭvažyli na Šašejnaj vulicy matacykł biez rehistracyjnych znakaŭ. Milicyjanty zapatrabavali ad kiroŭcy spynicca, ale toj, naadvarot, paskoryŭsia.
Daišniki hanialisia za matacyklistam pa ŭsim pasiołku. Na videa bačna, što kiroŭca dobra viedaŭ miascovaść. U vyniku matacyklist schavaŭsia ŭ adnym z dvaroŭ.
Jakim čynam milicyjanty ŭsio ž zatrymali kiroŭcu, nie paviedamlajecca. Matacyklistam akazaŭsia 16-hadovy chłopiec biez pravoŭ. Jon vyrašyŭ pakatacca na baćkavym «Minsku», pakul baćkoŭ nie było doma.
Ciapier na baćku skłali administracyjny pratakoł za nievykanańnie abaviazkaŭ pa vychavańni dziaciej, a padletak ciapier na ŭliku ŭ inśpiekcyi pa spravach niepaŭnaletnich.