Dla biełarusaŭ unutry krainy zapracavaŭ biaspłatny virtualny advakat u Telegram
Jaho raspracavali advakaty, jakija abaraniali palitviaźniaŭ i byli pazbaŭleny licenzij, piša prajekt Dissidentby.
04.09.2024 / 12:29
Dapamahali ŭ raspracoŭcy pravaabaroncy arhanizacyj «Viasna», Bajsoł, Bajchełp, Dissidentby i Fond «Kraina dla žyćcia».
Bot @advakatby_bot kansultuje pa nastupnych situacyjach:
- «Zatrymali vašaha blizkaha».
- «Vas vyklikajuć u orhany».
- «Vy płanujecie pierasiačy miažu».
- «Prablemy ŭ kałonii ŭ vašaha blizkaha».
- «Atrymać dapamohu abo ekstranna evakujavacca ź Biełarusi».
Advakatby_bot papiaredžvaje pra nieabchodnaść vydalić čat-bot paśla vykarystańnia, ab čym nieadnarazova nahadvajecca padčas jaho prachodžańnia i dajecca spasyłka na adpaviednuju videainstrukcyju.
Kažuć, nieŭzabavie bot zapracuje ŭ veb-viersii, jakaja budzie dziejničać tolki pry vykarystańni VPN (abo ŭ zamiežžy), što budzie bolš biaśpiečnym dla karystalnikaŭ u Biełarusi.