Для беларусаў унутры краіны запрацаваў бясплатны віртуальны адвакат у Telegram
Яго распрацавалі адвакаты, якія абаранялі палітвязняў і былі пазбаўлены ліцэнзій, піша праект Dissidentby.
04.09.2024 / 12:29
Дапамагалі ў распрацоўцы праваабаронцы арганізацый «Вясна», Байсол, Байхэлп, Dissidentby і Фонд «Краіна для жыцця».
Бот @advakatby_bot кансультуе па наступных сітуацыях:
- «Затрымалі вашага блізкага».
- «Вас выклікаюць у органы».
- «Вы плануеце перасячы мяжу».
- «Праблемы ў калоніі ў вашага блізкага».
- «Атрымаць дапамогу або экстранна эвакуявацца з Беларусі».
Advakatby_bot папярэджвае пра неабходнасць выдаліць чат-бот пасля выкарыстання, аб чым неаднаразова нагадваецца падчас яго праходжання і даецца спасылка на адпаведную відэаінструкцыю.
Кажуць, неўзабаве бот запрацуе ў вэб-версіі, якая будзе дзейнічаць толькі пры выкарыстанні VPN (або ў замежжы), што будзе больш бяспечным для карыстальнікаў у Беларусі.